Oma Pajo- hora

2006 Oma Pajo- horale täydyi 10 vuottu. Histories se oli pitky aigu. Äijiä, ken kävyi horah ei ole jo hengis. Al’bina Lizina, Jevgenja Kuz’mina, Anatolii Kräkkijev- kaikin mustetah heidy. Oma Pajo- hora oli perustettu perestroikan jälles. Horan enzi luadijat oldih rahvahallizen teatran tunnetut karjalazet artistat Vieno Kettunen da Pekka Mikšijev. Hyö roittihes horan enzimäziksi pajattajiksi. Jälles hyö kerättih ristikanzoi, kuduat tietäh karjalan kieldy.

Enzimäzenny horan johtajannu oli Klara Stas’uk, kudai äijän ruadoi Kantele- ansambl’as. Häi ruadoi horanke läs viitty vuottu. Nygöi horan johtajannu on L’ubov Nikitina. Oma Pajo- horan piätavoittehennu oli karjalan kielen da kul’tuuran säilyttämine da kehittämine. Nygöi horas enämbi hoppuu on karjalan kielen murdehien periä: jogahine tahtou kehittiä omua murrehtu.

10 vuvves Oma Pajo on ajelluh kogo Karjalan: Vuokkiniemes Kägisalmessah, on olluh Ruočis da Tveris. Fol’klouru- joukko on käynyh Helsingih da Tallinah. Vuonnu 1995 hora oli Joensuus da Homansis. Äijy on ajeltu Ven’al, ulgomual da Karjalazis linnois: Puadanen čuppuh, Kägisalmeh. Horas ei tävvy pajattajii. Nuoret ei tahtota tulla kannattamah oman rahvahan perindyö.

Nadežda Bukina da Tatjana Manuilova