Paras taba opastuo karjalan kieldy olis rodivuo pereheh, kudamas paistah karjalakse, kävvä perusškola karjalan kielel da vie opastuo ruadamah karjalakse. Pahakse ozakse kaikkii nämmii mahtoloi ei ole nikel. Kaikil ei ole ni opastajua ni opastundukniigua. Sentäh rubiemmo keriämäh tänne opastusmaterjualua da tiedokonehenke ruattavii harjoituksii.
Sanakižas "hangman libo "riputandupačas" pidäy arbata kirjain kirjaimel sana kus on tietty miäry kirjaimii. Jogahine oigei vastavus tulou nägyvih sanas, a viäry vastavus nostau riputandupačastu. Kymmenen viärän vastavuksen jälgeh sinut riputetah paččahah. Tämän kižan eričys on se, ku voit pyydiä kuvavihjehen, libo tekstuvihjehen. Ohjelmas on vie "böbökkäzii", mit pidäs kohendua - ku vihjehkuva ei tulle kerras, pidäy painaldua hiirel toizen kerran kuvan ulgopuolel. Sanua nygöi on 490, vähä vähäl net ližetäh. Ohjelmua voi ajua verkoči, ku vai verko ei olle ylen hil'l'u da livaimes ollou java-tugi (sen sua ilmai tiä http://www.java.com/en/download/manual.jsp). Konzu ohjelmu da sanastot tullah valmehembakse, laitan net pakietakse, min voi lad'd'ata omale konehele paikallizesti ajettavakse. Ken ei ruohti kižata, voi kaččuo nämmii sanoi kuvien da vihjehienke kuvasanakniigas.
Verkokieliopis löydyy kielioppiurokoi da harjoituksii. Urokan luvendan jälgeh kielioppimalton voi tarkistua java-appletal. Urokat perustutah L'udmila Markianovan Kielioppih (Periodika 2002). Harjoitukset on raviezeh luajittu kniigan ezimerkilöin da harjoituksien avul. Gu löydynnöy hairehii, ilmoitakkua. Ga nygöi rubien vuottamah, ku opastajat iče ruvetah luadimah harjoituksii. Ohjehet ollah täs.
Ol'ga Kivelevan urokoi
da kirjutuksii muamas opastujienke.
Ol'gan PowerPoint urokat perehes da ammattilois
|
|
|
Ol'ga Nikitinan kielikižoi.
Lidija Olešovan pajoloi.