Refleksiivuverbi (Iččehkohtavusverbi)

Refleksiivuverbi merkiččöy mostu ruandua libo teguo, kudai on ohjattu ruadajah, toizin sanojen, kudai kiändyy kohti ruadajah. Iče persounu on samanaigazesti sen ruandan subjektannu dai objektannu. Ezimerkikse: ottuakseh, pestäkseh. Verbi ottuakseh merkiččöy persounan kiinnittymisty mihtah ruadoh libo hommah, toizin sanojen, persounu rounoku iče kiinnittäy iččie mihtah toimindah. Verbi pestäkseh merkiččöy persounan ičen pezemisty iččie.

Refleksiivuverbin tunnus on -kseh, kudai liittyy verbin sanakniigumuodoh, toizin sanojen, I infinitiivah: kaččuo-kseh, kačella-kseh, kičkistellä-kseh, laškistella-kseh, luadie-kseh, ottua-kseh, pestä-kseh, puččie-kseh, siduo-kseh, vazita-kseh, vedelöijä-kseh. Muga roih uuzi sanakniigumuodo - refleksiivine. Refleksiivutunnus ei liity jogahizeh verbih, a vaiku erähih verbilöih, sikse refleksiivuverbilöi ei ole äijiä.

Refleksiivuverbit taivutah indikatiivan, konditsionualan, potensiualan, imperatiivan yksikön da monikon persounis.