Konditsionualan preezensu

Konditsionualan preezensu roih tunnuksien -zi, -izi, -s, -is avul. Tunnuksii -zi, -izi käytetäh 1. da 2. persounas sego yksikös, sego monikos:
sanuo (sano-): sano-zi-n, sano-zi-t, sano-zi-mmo, sano-zi-tto;
tulla (tule-): tul-izi-n, tul-izi-t, tul-izi-mmo, tul-izi-tto.
Tunnuksii -s, -is käytetäh 3. persounas sego yksikös, sego monikos. Pidäy mustua: niilÖin jälgeh persounupiätehty ei käytetä:
sano-s, sanotta-s, tul-is, tulda-s.

Konditsionualan preezensan kieldomuodo

Konditsionualan preezensan kieldomuvvos taibuu kieldosana ei. Piäverbi on 3:nden persounan preezensan konditsionualas:
y.1 en ottas kaččos syös paikkuas selgies
y.2 et ottas kaččos syös paikkuas selgies
y.3 ei ottas kaččos syös paikkuas selgies
m.1 emmo ottas kaččos syös paikkuas selgies
m.2 etto ottas kaččos syös paikkuas selgies
m.3 ei otettas kačottas syödäs paikattas sellittäs

Olla -verbi

Olla -verbin preezensua käytetäh perfektas abuverbinny. Sentäh kačommo, kui se taibuu preezenzas:

y.1 olizin en olis
y.2 olizit et olis
y.3 olis ei olis
m.1 olizimmo emmo olis
m.2 olizitto etto olis
m.3 oldas ei oldas